Sular: Popular Person

Under Construction

ਪਿੰਡ ਸੂਲਰ ਦਾ ਇਤਿਹਾਸ

ਪਿੰਡ ਸੂਲਰ ਇਕ ਇਤਿਹਾਸਕ ਪਿੰਡ ਹੈ ਅਤੇ ਇਹ ਕਈ ਦਹਾਕੇ ਪਹਿਲਾਂ ਹੋਂਦ ਵਿਚ ਆ ਗਿਆ ਸੀ। ਪਿੰਡ ਦੇ ਬਜ਼ੁਰਗਾਂ ਅਨੁਸਾਰ ਅੱਜ ਤੋਂ ਤਕਰੀਬਨ 35-40 ਕੁ ਸਾਲ ਪਹਿਲਾਂ ਪਿੰਡ ਵਿਚ ਗਿਣਤੀ ਦੇ ਹੀ ਘਰ ਸਨ। ਹੌਲੀ ਹੌਲੀ ਪਿੰਡ ਦਾ ਵਿਕਾਸ ਹੁੰਦਾ ਗਿਆ ਅਤੇ ਇਥੇ ਦੂਰੋਂ ਨੇੜਿਓਂ ਆ ਕੇ ਲੋਕਾਂ ਨੇ ਵਸਣਾ ਸ਼ੁਰੂ ਕੀਤਾ। ਬਜ਼ੁਰਗਾਂ ਅਨੁਸਾਰ ਪਿੰਡ ਦੇ ਦੋਵੇਂ ਪਾਸੇ ਬੀੜ ਮੋਤੀ ਬਾਗ ਹੋਣ ਕਾਰਨ ਇਥੇ ਸ਼ੁਰੂ ਸ਼ੁਰੂ ਵਿਚ ਆਉਣ ਤੋਂ ਡਰ ਲਗਦਾ ਸੀ। ਡਕਾਲਾ ਵਾਲੀ ਸੜਕ 'ਤੇ ਤਾਂ ਲੋਕ ਰਾਤ ਸਮੇਂ ਜਾਣੋਂ ਵੀ ਕਤਰਾਉਂਦੇ ਸਨ। ਇਸ ਸੜਕ 'ਤੇ ਹੁਣ ਵੀ ਰਾਤ ਨੂੰ ਘੋਰ ਸਨਾਟਾ ਛਾਇਆ ਰਹਿੰਦਾ ਹੈ। ਪਹਿਲਾਂ ਪਹਿਲ ਪਿੰਡ ਵਿਚ ਇਕ ਛੋਟਾ ਜਿਹਾ ਗੁਰਦੁਆਰਾ ਹੁੰਦਾ ਸੀ, ਜਿਸ ਵਿਚ ਦੋ ਕਮਰੇ ਸਨ, ਜਿਨ੍ਹਾਂ ਵਿਚੋਂ ਇਕ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਸੁਸੋਭਿਤ ਸਨ ਅਤੇ ਉਸ ਸਮੇਂ ਦੇ ਗ੍ਰੰਥੀ ਸ੍ਰ. ਮਹਿੰਦਰ ਸਿੰਘ ਜੀ ਹੀ ਗੁਰਦੁਆਰਾ ਸਾਹਿਬ ਦਾ ਪ੍ਰਬੰਧ ਦੇਖਦੇ ਸਨ। ਤਕਰੀਬਨ 2004 ਦੇ ਵਿਚ ਗੁਰਦੁਆਰਾ ਸਾਹਿਬ ਦਾ ਸਮੁੱਚਾ ਪ੍ਰਬੰਧ ਉਸ ਸਮੇਂ ਦੀ ਪੰਚਾਇਤ ਹੱਥ ਆ ਗਿਆ। ਹੁਣ ਪਿੰਡ ਦੇ ਗੁਰਦੁਆਰਾ ਸਾਹਿਬ ਦਾ ਪ੍ਰਬੰਧ ਗੁਰਦੁਆਰਾ ਸਾਹਿਬ ਦੀ ਕਮੇਟੀ ਦੇ ਹੱਥ ਹੈ, ਜਿਸ ਦੇ ਮੌਜੂਦਾ ਪ੍ਰਧਾਨ ਕੌਰ ਸਿੰਘ ਹਨ। ਸਵ. ਇੰਦਰਪਾਲ ਬਾਜਵਾ, ਸਵ. ਅਮਰ ਸਿੰਘ, ਬੀਬੀ ਸਤਵੰਤ ਕੌਰ (ਸਰਦਾਰਨੀ), ਸ੍ਰ. ਕੁਲਵਿੰਦਰ ਸਿੰਘ ਟੋਨੀ ਆਦਿ ਕ੍ਰਮਵਾਰ ਪਿੰਡ ਦੇ ਸਰਪੰਚ ਰਹਿ ਚੁੱਕੇ ਹਨ। ਸ੍ਰੀਮਤੀ ਪ੍ਰੇਮ ਲਤਾ ਪਾਠਕ ਸੁਪਤਨੀ ਡਿੰਪੀ ਪਾਠਕ ਪਿੰਡ ਦੀ ਮੌਜੂਦਾ ਸਰਪੰਚ ਹਨ। ਪਿੰਡ ਵਿਚ 'ਨੌਜਵਾਨ ਭਲਾਈ ਸਭਾ' ਨਾਂ ਦਾ ਸਮਾਜ ਸੇਵੀ ਕਲੱਬ ਹੈ, ਜਿਸਦੇ ਮੌਜੂਦਾ ਪ੍ਰਧਾਨ ਜਤਿੰਦਰ ਸਿੰਘ (ਜਤਿਨ ਕੰਬੋਜ) ਉਰਫ ਕਾਲਾ ਹਨ ਅਤੇ ਇਸ ਤੋਂ ਬਿਨਾਂ ਇਕ ਸਪੋਰਟਸ ਕਲੱਬ ਹੈ, ਜਿਸ ਦੇ ਪ੍ਰਧਾਨ ਬਲਜੀਤ ਸਿੰਘ ਹਾਂਡਾ ਉਰਫ ਰੋਡਾ ਹਨ।

ਪਿੰਡ ਸੂਲਰ ਵਿਚਲੀਆਂ ਸਹੂਲਤਾਂ

->ਸੂਲਰ ਰੋਡ 'ਤੇ ਹੀ ਇਕ ਮਾਰਕਿਟ ਸਥਿਤ ਹੈ, ਜਿਥੇ ਹਰ ਤਰ੍ਹਾਂ ਦੀ ਚੀਜ਼ ਆਮ ਕੀਮਤ 'ਤੇ ਉਪਲਬਧ ਹੁੰਦੀ ਹੈ। ਇਥੋਂ ਦੀਆਂ ਗਲੀਆਂ ਇਕ ਦੋ ਨੂੰ ਛੱਡ ਕੇ ਜ਼ਿਆਦਤਰ ਪੱਕੀਆਂ ਹਨ। ਗਰਮੀਆਂ ਵਿਚ ਬਿਜਲੀ ਦੇ ਕੱਟ ਆਮ ਸ਼ਹਿਰ ਵਾਂਗ ਹੀ ਲੱਗਦੇ ਹਨ। ਬਰਸਾਤੀ ਪਾਣੀ ਦੀ ਨਿਕਾਸੀ ਦਾ ਪ੍ਰਬੰਧ ਵੀ ਕੋਈ ਪੱਕਾ ਨਹੀਂ। ਮੇਨ ਸੜਕ 'ਤੇ ਸਟਰੀਟ ਲਾਈਟਾਂ ਤੇ ਗਲੀਆਂ ਵਿਚ ਟਾਵੀਆਂ ਟਾਵੀਆਂ ਲਾਈਟਾਂ ਲੱਗੀਆਂ ਹਨ।

ਪਿੰਡ ਸੂਲਰ ਵਿਚ ਦਾਖਲ ਹੋਣ ਦੀ ਦਿਸ਼ਾ

--->ਪਿੰਡ ਸੂਲਰ ਵਿਚ ਦੋ ਦਿਸ਼ਾਵਾਂ ਤੋਂ ਦਾਖਲ ਹੋਇਆ ਜਾ ਸਕਦਾ ਹੈ। ਇਕ ਦਿਸ਼ਾ ਭਾਵ ਚੜ੍ਹਦੇ ਸੂਰਜ ਵਾਲਿਓ ਪਾਸੇ ਅਤੇ ਦੂਜੀ ਦਿਸ਼ਾ ਇਸਦੇ ਬਿਲਕੁਲ ਉਲਟ। ਭਾਵ ਕਿ ਸ਼ੀਸ਼ ਮਹਿਲ, ਡਕਾਲਾ ਰੋਡ ਵਾਲਿਓਂ ਪਾਸੇ ਅਤੇ ਦੂਜਾ ਪੁੱਲੀ ਵਾਲਿਓਂ ਪਾਸੇ। ਪਹਿਲਾ ਰਸਤਾ : ਚੰਡੀਗੜ੍ਹ/ਦੇਵੀਗੜ੍ਹ/ਸਨੌਰ/ਯੂਨੀਵਰਸਿਟੀ ਵਾਲਿਓਂ ਪਾਸੇ ਤੋਂ ਆਉਣ ਵਾਲੇ ਬੰਨ੍ਹੇ ਵਾਲੀ ਸੜਕ ਤੋਂ ਸਿੱਧਾ ਸ਼ੀਸ਼ ਮਹਿਲ ਚੁੰਗੀ ਤੋਂ ਹੁੰਦੇ ਹੋਏ ਪਿੰਡ ਸੂਲਰ ਵਿਚ ਦਾਖਲ ਹੋ ਸਕਦੇ ਹਨ। ਵੈਸੇ ਰਾਤ ਨੂੰ ਇਸ ਰੋਡ 'ਤੇ ਸਨਾਟਾ ਛਾਇਆ ਹੁੰਦਾ ਹੈ। ਦੂਜਾ ਰਸਤਾ : ਬੱਸ ਸਟੈਂਡ ਤੋਂ ਆਉਣ ਵਾਲੇ ਰਾਹਗੀਰ ਫੁਹਾਰਾ ਚੌਕ, ਫੇਰ ਮੋਤੀ ਮਹਿਲ ਅਤੇ ਕੁਤਾਖਾਨਾ ਤੋਂ ਹੁੰਦੇ ਹੋਏ ਸੂਲਰ ਪੁੱਲੀ ਅਤੇ ਫਿਰ ਪਿੰਡ ਸੂਲਰ ਵਿਚ ਪਹੁੰਚ ਸਕਦੇ ਹਨ।

Pages

Popular Person

No comments:

Post a Comment

Search This Blog